என்னடா செய்வீங்க

முனீஸ்வர சாமி
நெனவு தெரிஞ்ச நாளா
எங்க குடும்பமே
கும்பிட்டு வர்ற
எங்க குலசாமி
சாம்பிராணி புகையில
முண்டாசு, முறுக்கிய மீச
கையில அருவா
கம்பீரமா இருக்கும்
எங்க காவல் தெய்வம்

துடியான தெய்வம்னு
தாத்தா சொல்வாரு
காய்ச்சல்ல கிடந்த என்ன
காப்பாத்துனது இந்த ஐயனாருனு
அப்பத்தா சொல்லும் அடிக்கடி
கடப்பாறையில அவர இடிச்சி
கோயில தரமட்டமாக்கி
லோரியில தூக்கிப்போட்டு
போனான்ங்க அவுனுங்க
“எங்க கடவுள காப்பாத்துங்களே”னு
கதறுனா என் தங்கச்சி
அன்னிக்கு தொலைஞ்சு போன சாமி
இன்னிக்கு வந்தாரு

தண்ணி அடிச்சானுங்க
சுத்தி புகையா கெளம்புச்சி
எல்லோரும் ஓடுனாங்க
நா ஓடல…
முண்டாசு, முறுக்கிய மீச
கையில அருவா
முனீஸ்வரசாமி இப்ப
எனக்குள்ள
“டேய்ய் இப்ப வாங்கடா…
என்னடா செய்வீங்க”
-பத்தாங்கட்டை பத்துமலை

(மா.சண்முகசிவா)

Share

One thought on “என்னடா செய்வீங்க”

  1. shabas, sariyana karuttu, nammavanga yosikkanume!!1 uuuuuum nadakkave nadakkatu ivan eppa yosikaratu, kunintavan nimirave iilaye, appa eppadi yosippan…

Leave a Reply

Your email address will not be published. Required fields are marked *